Eqqumiitsuliortut Kangaamiormiut
Uani saqqummersitami takuneqarsinnaapput eqqumiitsuliortut angutit Kangaamiormiut eqqumiitsuliaat. 1800-kkut naaneranni inunngorsimapput marluk, ataaserlu 1900-kkut aallartinnerani inunngorsimalluni. Kangaamiormiut tusaamasaassutigaat kusarnartunik immikkuullarissunillu qiperuisarnertik, ingammik qisunnik inuusaliorneq taasariaqarpoq.
Nunatta Katersugaasiviata Allagaateqarfiatalu katersaataanni Kangaamiormiut sanaavisa ilamininngui takutinneqarput. Qiperuisartut piginnaanertik namminneq qiperuinermikkut assigiinngitsunik suliamik aqqutigalugu ineriartortissimavaat.